අද 20 වනි අගහරුවාදා ඔබට කොහොමද

මේෂ ලග්නය

අද දිනයේ මේෂ ලග්න හිමි ඔබ බලාපොරොත්තු වූවාටත් වඩා හොඳින් ඔබගේ කටයුතු ඉටු කරගැනීමට පෙළඹෙනු ඇත. නමුත් ඔබට අද දිනයේදී යම් ආකාරයක නොසැලකිලිමත් තත්වයන්ද උදා වීමට හැකියාව පවතිනවා. ඔබගේ සැලකිලිමත්භාවය කාර්යශුරත්වය මතම රඳා පවතිනු ඇත.

වෘෂභ ලග්නය

මවු දෙමවුපියන් සමග කරනු ලබන ගනුදෙනු කිරීම් වලදී ප්‍රධානින් සමග කරනු ලබන ගනුදෙනු කිරීම් වලදී බොහෝ සෙයින් ප්‍රවේශම් වීමට සිතට ගන්න. අනවශ්‍ය පීඩාකාරී ස්වභාවයකින් වැඩ කටයුතු සිදු කිරීමට වන තත්වයකි අද දිනයේදී ඔබට උදා වී පවතින්නේ. තරමක් ආවේගශිලියි.

මිථුන ලග්නය

අද දිනයේදී ඔබ ඔබගේ අධ්‍යාපන කටයුතු වලට වෙනදාට වඩා අවධානය යොමු කරන ආකාරයක් දක්නට ලැබෙනවා. ඒ වගේම ඔබ වෙනදාට වඩා ඒ වෙනුවෙන් යම් මුදලකුත් වෙන් කරන්නට සුදානම් වනවා. හවුල් ව්‍යාපාර කටයුතු වල යම් අශුභාකාරි තත්වයන් ඇති කිරීමට ඉඩ ඇත.

කටක ලග්නය

අද දිනය තුල කටක ලග්න හිමියන්ගේ කටයුතු දීප්තිමත් ස්වභාවයකින් පවත්වාගෙන යාමට හැකියාව පවතිනවා. යානවාහන මිලදී ගැනීමේ බලාපොරොත්තුවක් පැවතුනානම්, නිවාස අලංකරණයට අදහසක් පැවතුනානම් ඔබට එවැනි කටයුතු සාර්ථක කරගැනීමට හැකියාව උදාවේ.

සිංහ ලග්නය

ඔබගේ ඇතැම් කටයුතු යම් ආකාරයකට කඩාගෙන වැටීමේ ප්‍රවනතාවක් දක්නට ලැබෙනවා. වෘත්තීමය කටයුතු වලදී අනවශ්‍ය ආකාරයක බාධාකාරී ස්වභාවයක් දක්නට ලැබෙනවා. දෙමවුපියන් සමගද සුළු සුළු චිත්ත පිඩා ඇති වීමේ ඉඩකඩක් පවතිනවා.

කන්‍යා ලග්නය

ඔබගේ කටයුතු වල වෙනදාට වඩා වෙනස් වීමක් දක්නට ලැබෙනවා. කාන්තා පාර්ශවයන් සමග කරනු ලබන ගනුදෙනු කිරීම් වලදී යම් ආකාරයකට ප්‍රවේසම් වීම ඉතාමත්ම වැදගත්. කලාකාමී නිර්මාණ වලට අද දිනයේදී ඔබ වැඩි වශයෙන් සිත යොමනු ඇත. වියදම් ඉහල යනු ඇත.

තුලා ලග්නය

අද දිනයේදී ඔබට මාලවී නමැති පංචමහා පුරුශයෝගයක්ද උදා වී පවතිනවා. අද දිනයේදී විශේෂයෙන්ම ඔබට අන් අයගේ ආකර්ෂණය ලබාගැනීමටද හැකියාව පවතිනවා. ඔබගේ පෞරුෂය වර්ධනය වන ආකාරයට කටයුතු කරන ආකාරයක් දක්නට ලැබෙනවා. කලාකාමීන්ට ශුභයි.

වෘශ්චික ලග්නය

විදේශගත සම්බන්ධතා වර්ධනය කරගැනීමට ඔබට අද දිනයේදී හැකියාව ලැබෙනු ඇත. දුරස්ථ ඥාතිකුගෙන් යම් ආකාරයක උදව්වක් ලබාගැනීමට අද දිනයේදී ඔබට හැකියාව ලැබෙනු ඇත. කලාකාමී අදහස් දරන උදවියට යම් ආකාරයක සුළු සුළු බාධාවීම් ඇති කරවන්නට හැක.

ධනු ලග්නය

අද දිනයේදී ඔබ සිදු කරන වෙළඳ ව්‍යාපාර කටයුතු පහසුවෙන්ම සාර්ථක කරගැනීමට ඔබට හැකියාව ලැබෙනු ඇත. උද්යෝගකාරි ස්වභාවය හේතුකොටගෙන බොහෝ වැඩ කටයුතු වලට ඔබ නිර්භය ලෙස මුහුණ දෙනු ඇත. අභියෝග ජයගෙන වාසනාව ලඟා කරගැනීමට හැකියාව ඇත.

මකර ලග්නය

කලාකාමී ක්ෂේත්‍ර වල නිරත වන සෑම් අයෙකුටම අද දිනයේදී ජය අත්පත් කරගැනීමට හැකියාව ලැබෙනු ඇත. විසිතුරු කර්මාන්ත වලින්ද ඔබට ආර්ථිකය සාර්ථක කරගැනීමට හැකියාව උදා වනු ඇත. අද දිනයේදී ඔබගෙන් වැඩි කැපකිරීමක් අවශ්‍ය වන බව කිව යුතුයි. වියදම් වැඩි වේ.

කුම්භ ලග්නය

ඔබගේ බොහෝ කටයුතු පහසුවෙන් සාර්ථක කරගැනීමට හැකියාව පවතිනවා. එමෙන්ම පිය පාර්ශවයේ ඥාතින් සමග කරනු ලබන කටයුතු වලදී තරමක් ඉවසීම ප්‍රගුණ කල යුතුයි. ගමන් බිමන් වලින්ද ඔබට වාසනාව උදා වනු ඇත. බොහෝ කටයුතු සක්‍රිය ලීලාවෙන් සිදු කරනු ඇත.

මීන ලග්නය

ඔබට අද දිනයේදී එල්ලවන බාධාකාරී තත්වයන් මගහරවාගෙන කටයුතු කිරීමට හැකියාව පවතිනවා. සුළු සුළු බාධකාරී තත්වයන් නැතුවාම නොවෙයි. සැලකිලිමත්ව කටයුතු කිරීම ඉතාමත්ම වැදගත්. සතුරු කරදර තරමක් බහුල කරවන ආකාරයක් පෙන්නුම් කරවනවා.