ඉන්දියාවේ විදුලිය දිය යටින් ලංකාවට

මුහුද යටින් යන කේබල් පද්ධතියක් මගින් ශ්‍රී ලංකාවට විදුලිය අපනයනය කිරීමට ඉන්දියාව සූදානම් බව එරට රාජ්‍ය, විදුලිබල අමාත්‍යංශ ලේකම් පී.කේ. පුජාරි ප්‍රකාශ කර ඇතැයි ඉන්දියාවේ ‘‘ද හින්දු ‘‘වෙබ් අඩවිය ප්‍රකාශ කළේය.

ශ්‍රී ලංකාවට ඉන්දියාවෙන් මෙගාවොට් 500ක් දක්වා විදුලි බලශක්තියක් ලබාගත හැකි බවත් සම්බන්ධතා මාධ්‍යයක් නොමැතිවීම හේතුවෙන් ඉන්දියාවෙන් ශ්‍රී ලංකාවට විදුලි අපනයනය මෙතෙක් පමා වී ඇති බවයි ඔහු පෙන්වා දී ඇතැයි එම වාර්තාවේ වැඩිදුරටත් සදහන් වේ.

ඉන්දියාව මේ වන විට බංගලිදේශය, නේපාලය සහ මියන්මාරය වෙත විදුලිය අපනයනය කරන අතර, භූතානයද විදුලිය ලබා ගන්නා බවද කියා සිටින එම අමාත්‍යාංශ ලේකම්වරයා වැඩිදුරටත් සදහන් කරනුයේ ශ්‍රී ලංකාවට ඒ ආකාරයෙන් සබ්මැරීන කේබල් පද්ධතියක් හරහා විදුලිය සැපයිය හැකි බවය.
මෙතෙක් පැවති තාක්ෂණය සඳහා විශාල පිරිවැයක් වැය කළ යුතු වුවත් නව තාක්ෂණය යටතේ දැරිය හැකි මුදලකට ශ්‍රී ලංකාවට විදුලිය අපනයනය කළ හැකි බව ඔහු පෙන්වා දෙනවා.

යුරෝපීය රටවල් එම තාක්ෂණය මගින් දැනටමත් පුනර්ජනනීය විදුලිය හුවමාරු කර ගන්නා බවයි ඉන්දීය රාජ්‍ය විදුලිබල අමාත්‍යාංශ ලේකම් පී.කේ. පුජාරි කියා සිටියේ.