හොරපාරෙන් සිහින මැවූ 10 ක් අත්අඩංගුවට

හැටන් සිට දිඹුල ඩොවා්න් දියඇල්ලට ජලය ගලා බසින ඩෙවොන් ඇළේ අනවසරෙන් මැණික් ගැරූ සිව්දෙනෙකු හැටන් පොලිසිය මගින් ඊයේ (11) රාති‍්‍ර සැකපිට අත්අඩංගුවට ගෙන තිබෙනවා. එම ඇළේ මැණික් ඉල්ලම් ගොඩගෙන මැණික් ගරමින් සිටින බවට හැටන් පොලිසියට ලද තොරතුරක් මත මෙම වැටළීම සිදුකර ඇත්තේ. විශාල පරිසර හානියක් කරමින් මැණික් ගැරිමට උපයෝගි කරගත් උපකරණ රැසක්ද පොලිසිය මගින් අත්අඩංගුවට ගෙන තිබෙනවා. අත්අඩංගුවට ගත් සැකකරුවන් අවිස්සාවේල්ල ප‍්‍රදේශයේ පදිංචිකරුවන් බවත් ඔවුන් හැටන් මහේස්ත‍්‍රාත් අධිකරණය වෙත ඉදිරිපත් කරන බවයි හැටන් පොලිසිය පැවසුවේ. මේ අතර කාසල්රි ජලාශයට ප‍්‍රධාන වශයෙන් ජලය ගලා බසින කෙසෙල්ගමුඔයේ අතුශාඛාවක අනවසරෙන් මැණික් ගරමින් සිටි හයදෙනෙකු බගවන්තලාව පොලිසිය මගින් අද (12) උදෑසන අත්අඩංගුවට ගෙන තිබෙනවා. බගවන්තලාව බි‍්‍රඩිවෙල් වතුයායේ කෙසෙල්ගමුඔයට ජලය ගලා බසින බි‍්‍රඩිවෙල් ඇළ අසල ගවගාලක නඩත්තු කටයුත්තක් සිදුකරන මුවෙන් මෙම මැණික් ගැරිම සිදුකරගෙන පැමිණි බවයි පොලිසිය පවසන්නේ. සැකකරුවන් සමග මැණික් ඉල්ලම් තොගයක් සහ මැණික් ගැරිමට උපයෝගි කර ගත් උපකරණ රැසක්ද පොලිස් බාරයට ගෙන තිබෙනවා. අත්අඩංගුවට ගත් සැකකරුවන් බගවන්තලාව ප‍්‍රදේශයේ පදිංචිකරුවන් බවත් අත්අඩංගුවට ගත් සැකකරුවන් හැටන් මහේස්ත‍්‍රාත් අධිකරණයට ඉදිරිපත් කරන බව බගවන්තලාව පොලිසිය පැවසුවා.

Lanka Net Gossip

හොරපාරෙන් සිහින මැවූ 10 ක් අත්අඩංගුවට